На "пункце папярэдняга збору" ў Бешанковічах / t.me/beshencovichizara/
У Віцебскай вобласці ўжо больш за тыдзень працягваюцца "мабілізацыйныя вучэнні". На гэты раз ваеннаабавязаных збіраюць у Бешанковічах. Як піша раённая газета, гэта "кантрольная яўка". Мужчын збіраюць на "пункт папярэдняга збору", які разгарнулі ў будынку ПМК-41. Там адбываецца "ўдакладненне звестак вайсковага ўліку".
Калі днямі ў Глыбокім ваеннаабавязаных выклікалі ў ваенкамат СМС-паведамленнямі, то ў Бешанковічах разнеслі звычайныя позвы.
"Мабілізацыйныя вучэнні" працягнуцца на Віцебшчыне да 9 жніўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут