21 красавіка ў Барысаўскім раёне ў сутыкненні грузавіка Renault і мікрааўтобуса Volkswagen Multivan загінулі 2 чалавекі. ДТЗ адбылося каля 16.30 на 452-м кіламетры аўтадарогі М1 Брэст — Мінск — мяжа Расійскай Федэрацыі. Пасля сутыкнення абодва аўтамабілі апынуліся ў кювеце. Як інфармуе БЕЛТА, загінулыя ехалі ў мікрааўтобусе. Яшчэ адзін чалавек у цяжкім стане знаходзіцца ў рэанімацыі.
Распачатая крымінальная справа, высвятляюцца ўсе абставіны ДТЗ.