СІЗА ў Гомелі / Выданне "Наша Ніва"
У следчых ізалятарах (СІЗА) забаранілі даваць інфармацыю аб арыштаваных не сваякам. Пра гэта паведамляе праваабарончы цэнтр "Вясна".
Раней з'яўлялася інфармацыя, што такое распараджэнне ад начальства атрымалі дзяжурныя магілёўскага СІЗА, а таксама мінскага СІЗА №1. Цяпер праваабаронцы даведаліся, што такія ж забароны пачалі дзейнічаць у СІЗА па ўсёй краіне.
Інфармацыю можа атрымаць толькі сваяк затрыманага, паказаўшы пашпарт.
Раней інфармацыю пра месцазнаходжанне арыштаванага ў чаканні апеляцыі (пакуль прысуд не набыў законную моц) давалі без праблем любому, хто звярнуўся да дзяжурнага. Людзі з іншых гарадоў карысталіся гэтым і прасілі знаёмых даведацца, ці знаходзіцца іх арыштаваны сваяк у СІЗА, ці яго ўжо этапавалі ў калонію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут