Вялікі дэсантны карабель "Мінск" / wikimedia.org
Пры начной атацы на Севастопаль былі пашкоджаныя вялікі дэсантны карабель і падводная лодка. Пра гэта ў каментары hromadske заявіў прадстаўнік Галоўнага ўпраўлення разведкі Мінабароны Украіны Андрэй Юсаў.
У ГУР Украіны не кажуць, якія менавіта караблі атрымалі пашкоджанні. Тым часам ва ўкраінскіх СМІ з'явіліся сцвярджэнні, што гаворка ідзе пра вялікі дэсантны карабель "Мінск" і дызель-электрычную падлодку "Растоў-на-Доне".
Карабель "Мінск" уваходзіць у склад Балтыйскага флоту Расіі. У Крым яго перакінулі перад пачаткам поўнамаштабнага ваеннага ўварвання ва Украіну.
Абодва караблі, як паведамляецца, стаялі на рамонце ў сухім доку і ўспыхнулі пасля атакі.
Як распавядала Еўрарадыё, у ноч на 13 верасня украінскія вайсцоўцы нанеслі ўдар ракетамі па сударамонтным заводзе ў Севастопалі.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут