На практычных занятках / dneprovec.by
У Рэчыцы ўдзельнікаў тэрытарыяльнай абароны знаёмілі з тактычнай медыцынай. Раённая газета піша, што ім паказалі "найноўшыя ўзоры медыцынскага абсталявання" — беларускага, расійскага і нейкіх "замежных мадэляў". У якасці інструктараў выступілі кіраўнік Цэнтра навучання першай дапамогі і тактычнай медыцыны і малодшы сяржант міліцыі. Яны правялі практычныя заняткі — паказвалі "сучасныя методыкі спынення крыві ў экстрэмальных умовах".
Мяркуецца, што падчас вайны падраздзяленні тэрабароны будуць дапамагаць міліцыі ахоўваць важныя аб'екты і змагацца з дыверсійна-разведвальнымі групамі.
У красавіку ў Гродне Аляксандр Лукашэнка заявіў, што рыхтуе Беларусь да вайны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут