Народны хор імя Вяроўкі выконвае “Червону калину” / Скрыншот з відэа
У Расіі працягваюць "ваяваць" з украінскай народнай песняй "Червона калина" ("Ой, у лузі червона калина"), напісанай больш за сто гадоў таму. Дадатак "Яндэкс.Музыка" заблакаваў "Червону калину" ў выкананні нацыянальнага ўкраінскага народнага хору імя Рыгора Вяроўкі. Зрабіць гэта запатрабаваў Раскамнагляд. Раней МУС РФ гэтую песню палічыў "гімнам экстрэмісцкай арганізацыі”, піша @bazabazon. У акупаваным Крыме за яе публічнае выкананне нават затрымлівалі і судзілі. У кастрычніку "місіс Крым" Вольгу Валееву аштрафавалі за відэа з выкананнем гэтай песні, а яе сяброўку на дзесяць сутак адправілі за краты.
Цікава, што не ўсе версіі песні “Червона калина” забаранілі. Шмат кавераў на розных музычных пляцоўках пакуль застаюцца даступныя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут