Мяжа Польшчы з Беларуссю / twitter.com/Straz_Graniczna
Польскія памежнікі адмовіліся пусціць у Польшчу двух беларусаў, якія папрасілі аб міжнароднай абароне. Хлопец з дзяўчынай падазраюць, што на іх у Беларусі завялі справу за данаты ў фонд “BySol”. Раней іх выклікалі ў ДФР, піша “Белсат”.
У беларусаў няма візы. Яны паспрабавалі трапіць у Польшчу. Але польскія памежнікі ў Тэрэспалі адмовілі ва ўездзе і выдалі адпаведную паперу.
Афіцыйная прадстаўніца Польскай памежнай службы Анна Міхальска адмовілся ад каментароў журналістам. Кажа, што нічога не ведае пра гэтае здарэнне. На памежным пункце таксама пакуль нічога не каментуюць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут