У Полацку памерла адна з двух 14-гадовых дзяўчынак, якія былі збітыя аўтамабілем Alfa Romeo, інфармуе ў Telegram прэс-служба Следчага камітэта. Здарэнне адбылося каля 21:30 увечары 21 верасня. Легкавік, якім кіраваў 26-гадовы мужчына, падчас здзяйснення абгону выехаў на левую абочыну. Там ён і збіў дзяўчынак. З цяжкімі траўмамі іх шпіталізавалі.
Кіроўца знаходзіўся ў стане алкагольнага ап'янення. Высветлілася, што летась яго пазбавілі права на кіраванне транспартным сродкам. У дачыненні мужчыны распачалі крымінальную справу, яму выставілі абвінавачанне, ён знаходзіцца пад вартай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.