Пры выкарыстанні дрона на рэжымнай тэрыторыі каля мяжы цяпер трэба атрымліваць дазвол Дзяржаўнага памежнага камітэта (ДПК). Адпаведныя правілы набылі моц 24 жніўня 2022 года, паведамляе прэс-служба ДПК.
Раней гэтае абмежаванне не закранала лятальныя апараты масай менш за 1 кг .
У паведамленні ДПК падкрэсліваецца: "Забаронена выкарыстанне і (або) валоданне беспілотнікам у памежнай паласе, а таксама яго пакіданне па-за населенымі пунктамі, размешчанымі ў памежнай зоне, без апавяшчэння органаў памежнай службы".
Пэўныя віды беспілотнікаў перад выкарыстаннем у памежнай зоне цяпер трэба зарэгістраваць. Падрабязную інфармацыю памежнікі прапануюць даведацца ў Дэпартаменце па авіяцыі Мінтранса Беларусі.
Штраф за невыкананне правілаў выкарыстання беспілотнікаў у памежнай паласе дасягае 50 базавых велічыняў (1600 рублёў на сёння), у памежнай зоне — 20 базавых велічыняў (640 рублёў).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут