У ААН лічаць, што дазвол на экспарт беларускіх угнаенняў можа дапамагчы ў змаганні з голадам / pixabay
Еўрапейскі Саюз не будзе рабіць выключэнняў для калійных угнаенняў, прымаючы новы пакет санкцый супраць Беларусі, піша ў сваім твітэр-акаўнце журналіст Рыкард Ёзвяк.
"Фактычна гэты новы пакет санкцый у адносінах да Беларусі накіраваны на дзве сферы: кампаненты поля боя и кампаненты авіяцыі. І ў ім няма нічога пра выключэнні ў адносінах да ўгнаенняў. У некаторым сэнсе гэта перамога Эстоніі, Латвіі, Літвы і Польшчы, якія 6 месяцаў змагаліся за тое, каб не дазволіць экспарт калія", — піша Ёзвяк.
its in fact a new package of sanctions on #Belarus targeting two areas: battlefield components & aviation components. and there is nothing about fertilizers exemptions or derogations. in a sense a victory for 🇪🇪🇱🇻🇱🇹🇵🇱 that fought for 6 months not to allow 🇧🇾 potash export https://t.co/lQDczEkYi1
— Rikard Jozwiak (@RikardJozwiak) July 18, 2023
Вясной гэтага года генеральны сакратар ААН Антоніу Гутэрыш выступаў за тое, каб Еўрасаюз аслабіў санкцыі ў дачыненні да Беларусі. Дастаўка калійных угнаенняў дапамагла б спыніць голад у свеце. Артыкул вакол сітуацыі з беларускім каліем выпусціў амерыканскі часопіс Politico.
Пазіцыю генсека ААН блакавалі краіны Балтыі і Польшча, заяўляючы, што ціск на Беларусь і Расію мае вырашальнае значэнне для спынення вайны ва Украіне — і яго варта працягваць любой цаной.
Літоўскія палітыкі, як і беларуская апазіцыя, перакананыя, што адмена санкцый пойдзе на карысць толькі дзяржаўнаму “Беларуськалію”, які фактычна трымае манаполію на здабычу калію і калійнай солі, на якія багатая краіна. Калій — гэта дойная карова для беларускага ўрада, тлумачаць праціўнікі адмены санкцый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут