Штаб-кватэра NATO ў Бельгіі / Reuters
На саміце NATO, які пройдзе 9-11 ліпеня ў Вашынгтоне (ЗША), краіны-ўдзельніцы рыхтуюцца зацвердзіць новы падыход да ўкраінскага канфлікту. Каардынацыю ваеннай дапамогі Украіне возьме на сябе Альянс, але пры гэтым будзе падпісаная дэкларацыя з адмовай ад непасрэднага ўмяшання ва ўзброены канфлікт. Пра гэта піша італьянская газета Corriere della Sera са спасылкай на праект дакумента.
Паводле звестак выдання, ключавая фраза праекта дакумента — "No boots on the ground". Таксама на саміце NATO будзе вырашанае пытанне пра перадачу кіраўніцтва "групай Рамштайн" па дапамозе Украіне. Кіраванне пяройдзе ад кіраўніка Пентагона Лойда Остына да штаб-кватэры NATO ў Бруселі.
Нагадаем, раней прэзідэнт Францыі Эманюэль Макрон казаў, што дапускае магчымасць адпраўкі войскаў ва Украіну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут