Пісталет для супрацоўніка Мінюста / t.me/minjust_by/
У Мінюсце Беларусі раздавалі пісталеты. Адбывалася гэта падчас святкавання Дня юрыста. "Такіх узнагарод работнікі Міністэрства юстыцыі яшчэ не атрымлівалі!", — радасна адзначае прэс-служба міністэрства.
Мінюст мае самае непасрэднае дачыненне да рэпрэсій у Беларусі. За апошнія гады была "зачышчана" грамадзянская супольнасць, ліквідаваныя апазіцыйныя палітычныя партыі, пазбаўленыя ліцэнзій дзясяткі адвакатаў.
Міністр юстыцыі Сяргей Хаменка раней быў намеснікам міністра ўнутраных спраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут