У Мінску на выхадзе з працы затрымалі грамадскага актывіста Паўла Юхневіча. Пра гэта Еўрарадыё паведаміла яго жонка.
Па яе словах, Юхневіч бачыў пад вокнамі падазроную машыну. Да яго падышлі невядомыя людзі і прапанавалі: "Малады чалавек, пройдземце". У Юхневічаў двое малых дзяцей.
Юхневіч на пачатку 2000-х удзельнічаў у дзейнасці незарэгістраванай грамадскай арганізацыі "Зубр". Учора быў затрыманы яго былы паплечнік Яўген Афнагель, якога асудзілі на 15 сутак.
Сёння таксама стала вядома пра затрыманне маладафронтаўца Уладзімімра Яроменка.