У Мінску за наркотыкі асуджаны на 9 гадоў зняволення футбаліст НФК "Крумкачы" Алег Дыбаль. Крымінальную справу разглядаў суд Партызанскага раёна. Дыбаля прызналі вінаватым у незаконным з мэтай збыту набыцці, ужыванні, захоўванні альфа-PVP (ч. 3 арт. 328 КК). У апошнім слове ён папрасіў прабачэння і паабяцаў, што ў будучыні "больш ніколі не дакранецца да наркотыкаў".
Футбаліст быў затрыманы ў пачатку кастрычніка 2018-га. Падчас ператрусу ў кватэры Алега Дыбаля знайшлі 40 грамаў асабліва небяспечнага псіхатропнага рэчыва.
28 снежня 2018-га Алегу Дыбалю споўнілася 25 гадоў. У мінулым сезоне ён паспеў згуляць у другой лізе чэмпіянату Беларусі за НФК "Крумкачы" 20 матчаў.
Больш важных і цікавых навінаў у праграме "Петарда" 17.01: