Мастачку Лізавету Ганчарову і яе бацьку Аляксандра Ганчарова арыштавалі на 15 сутак, паведамляе тэлеграм-канал @viasnanazirae. Іх затрымалі ў Мінску 13 сакавіка. Пратаколы склалі за адміністрацыйнае правапарушэнне ("Парушэнне парадку арганізацыі ці правядзення масавых мерапрыемстваў"). Суда Ганчаровы чакалі на Акрэсціна.
Адміністрацыйныя справы ў панядзелак у Цэнтральным судзе сталіцы разглядаў суддзя Дзмітрый Карсюк. Спачатку ён асудзіў на арышт шматдзетнага бацьку Аляксандра Ганчарова, які сцвярджаў, што ў пікетаванні ўдзелу не браў. "Супрацоўнікі крычалі, што будуць страляць па нагах", — прыгадаў мужчына ў судзе.
Далей Карсюк прысудзіў арышт і Лізавеце Ганчаровай. Яна таксама адмаўляла ўдзел у пікетаванні. Калі пачаліся затрыманні, Ганчарова пабегла, упала. Невядомыя цягнулі яе па асфальце. У судзе дзяўчына заявіла, што падчас затрымання яе душылі і заплюшчвалі ёй вочы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.