У адной з мінскіх школаў збіраюцца зрабіць валянцінкі для прадстаўнікоў улады. У падрыхтаваным спісе "для напісання валянцінак кумірам", некалькі дзясяткаў чалавек. Гэта — дзяржаўныя дзеячы (Аляксандр Лукашэнка, Андрэй Кабякоў, Міхаіл Мясніковіч ды іншыя), ветэраны, дзеячы СМІ (Генадзь Давыдзька, Павел Якубовіч).
Як піша ў Facebook бацька аднаго са школьнікаў, класная кіраўніца даслала спіс у вайберы. Яна прапанавала бацькам разам з дзецьмі зрабіць валянцінкі для згаданых дзеячоў. Мужчына не называе нумар школы, каб "не падставіць настаўніцу". Магчыма, што гэта ініцыятыва не адной школы. Па некаторых звестках, плануецца раённы конкурс валянцінак.