У Стаўбцоўскай лякарні, куды 8 снежня прыязджаў Аляксандр Лукашэнка, жалюзі пафарбаваныя ў белы і чырвоны колер. Гэта бачна на фатаздымку, які размясціў ТГ-канал "Пул Першага".
Дый гарбату Лукашэнку налівалі ў белы кубак з чырвоным нацыянальным арнаментам.
Пры выразнай нелюбові беларускай улады да спалучэння белага і чырвонага колераў, гэта вельмі дзівіць. Няўжо хтосьці недапільнаваў? Раней у Беларусі былі заўважаныя шлагбаўмы, якія перафарбоўвалі з бела-чырвоных у бела-сінія, і трубы кацельняў, дзе замазвалі чырвоныя палоскі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.