12 траўня на "Еўрабачанні" рэпетыцыйны дзень. Цягам дня фіналісты двойчы выходзяць на сцэну. У 15.00 — на тэхнічную рэпетыцыю. У 22.00 яны выступяць для журы, якое ўжо сёння ацэніць нумары краін-удзельніц.
На апошняй рэпетыцыі для прэсы музыкі маглі быць без грыму і сцэнічных касцюмаў. Таксама свой выхад адпрацавалі ўкраінскія зоркі "Еўрабачання", якія выступяць цягам фіналу — Джамала, Руслана і Верка Сярдзючка. Як гэта выглядае, глядзіце ў нашым фотарэпартажы.
Фінал конкурсу пачнецца 13 траўня ў 22.00. Беларусы Naviband выйдуць на сцэну пад трэцім нумарам.