У Італіі грузавы самалёт заблакаваў... аўтадарогу. Здарэнне адбылося раніцай у аэрапорце горада Бергама. Boeing-737, які прыляцеў з Парыжа, выехаў за межы ўзлётна-пасадачнай паласы. Фотаздымкі здарэння з'явіліся ў Twitter.
Пацярпелых сярод кіроўцаў аўтамабіляў няма, не пацярпелі і чальцы экіпажу, інфармуе УНІАН. Мяркуецца, што прычынай здарэння сталі кепскія ўмовы надвор'я.