Шапік-"Табакерка" ў Гродне / Яндэкс
Гродзенцы наракаюць на праблемы з купляй квіткоў у грамадскі транспарт. Зачыніліся адразу 70 шапікаў-"Табакерак", размешчаных на прыпынках. Многія прывыклі менавіта там купляць квіткі.
"70 шапікаў — гэта палова, і сапраўды часова не працуюць", — канстатуе тэлеканал "Гродна Плюс".
Купіць квіткі ў кіроўцы падчас паездкі можна толькі за гатоўку, расплаціцца картай немагчыма.
Паведамляецца, што шапікі "пачнуць адчыняцца з 10 кастрычніка". Хутчэй за ўсё гэта азначае, што адкрыццё 70 гандлёвых кропак расцягнецца не на адзін дзень.
Як удакладняе Hrodna.life, закрыццё шапікаў звязанае са зменай уласніка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут