15 верасня Гомельскі абласны суд ліквідаваў краязнаўчую грамадскую арганізацыю "Талака", перадае Радыё "Свабода".
Пазоўнікам выступала галоўнае ўпраўленне юстыцыі Гомельскага аблвыканкаму. Суддзі Таццяне Аземшы хапіла гадзіны, каб вынесці рашэнне.
"Талака" існавала з 1986 года. Сёлета яна магла б адсвяткаваць сваё 35-годдзе. Арганізацыя займаецца адраджэннем старадаўніх беларускіх народных абрадаў, зборам фальклёру, рэканструкцыяй аўтэнтычных святаў.
Падчас суда высветлілася, быццам "Талака" атрымлівала пісьмовае папярэджанне за тое, што не паведаіла пра паступленне і выдаткоўванне грашовых сродкаў і іншай маёмасці. Старшыня арганізацыі Пятро Цалка патлумачыў, што аб'яднаньне не вяло эканамічную дзейнасьць, і папрасіў час, каб падаць неабходныя дакументы. Аднак суд гэтае хадайніцтва адхіліў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут