У бюджэце-2019 на Еўрапейскія гульні закладзена $72 млн. І гэта не ўсё

Чытаць болей: 200 тэндараў на BYN 106,5 млн. Што купляюць для Еўрагульняў у Мінску

II Еўрапейскія гульні ператвараюцца для Беларусі ў дарагую цацку. Выдаткі на іх растуць кожны год. У кастрычніку 2016 года Аляксандр Шамко (тады — міністр спорту і турызму) казаў, што на правядзенне гульняў Беларусь выдаткуе $30-40 мільёнаў долараў. Аднак ужо праз месяц Аляксандр Лукашэнка “павялічыў” гэтую суму на $10 млн, сказаўшы, што краіна выдаткуе $50 млн.

Чытаць болей: На правядзенне Еўрапейскіх гульняў Беларусі спатрэбіцца 50 млн долараў

Ужо цяпер сумарныя выдаткі на Еўрагульні (прэзідэнцкі фонд + бюджэт-2019) перавышаюць гэтую лічбу ўдвая і складаюць каля $112 млн.

На адкрыццё II Еўрапейскіх гульняў у 2016 годзе кіраўнік краіны планаваў выдаткаваць усяго $1 млн. Сёння вядома, што адкрыццё і закрыццё гульняў будзе каштаваць у 12 разоў больш.