Зранку 7 сакавіка ў блогера з Бярозы Аляксандра Кабанава адбываецца ператрус, паведамляе праваабарончы сайт “Вясна”.
Прычыны і падрабязнасці ператрусу пакуль невядомыя, бо тэлефон Кабанава не адказвае.
Аляксандр Кабанаў — адзін з актывістаў, якія пратэстуюць супраць будаўніцтва акумулятарнага завода ў Брэсце. Напярэдадні, 6 сакавіка, ён быў у студыі Еўрарадыё, дзе разам з Дзям'янам Лепясевічам распавядаў пра гэтыя пратэсты.