Аўтобус апынуўся ў кювеце / t.me/berezinonews/
У Бярэзінскім раёне Мінскай вобласці з'ехаў з трасы ў кювет аўтобус "Вільня — Магілёў". Як паведамляе раённая газета, здарэнне адбылося ў сераду каля 04:30 на аўтадарозе М4 каля вёскі Марціянаўка, калі аўтобус ехаў у бок Магілёва. Паводле папярэдняй інфармацыі, у нейкі момант яго кіроўца заснуў. Пасля гэтага аўтобус і апынуўся ў правым кювеце.
У салоне на той момант знаходзіліся 19 пасажыраў. 5 з іх завезлі для медагляду ў бальніцу і пасля адпусцілі. Аўтобус атрымаў значныя пашкоджанні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут