Царква ў Альгомелі пасля пажару / brest.mchs.gov.by
У Брэсцкай вобласці гарэла царква. Пажар здарыўся ў храме святой Марыі Магдалены ў вёсцы Альгомель Столінскага раёна.
Як паведамілі ў МНС, у царкве назіралася шчыльнае задымленне. Наведвальнікаў у гэты момант не было.
Агонь пашкодзіў іканастас і маёмасць храма. Закураныя сцены і столь.
Пацярпелых няма. Прычына пажару выяўляецца.
Касцёл Святой Марыі Магдалены — сучасны, ён пабудаваны ў Альгомелі ў 1994 годзе. У храме спалучаюцца рысы рэтраспектыўна-рускага стылю і класіцызму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут