У Беларусі зарэгістравана 27 выпадкаў заражэння каранавірусам. Такую лічбу назвалі прадстаўнікі Мінздароўя на брыфінгу 13 сакавіка.
З гэтай колькасці тры чалавекі ўжо вылечыліся і выпісаныя з лякарні. Гэта першы пацыент, у якога выявілі захворванне, і яго кантакты першага ўзроўню.
У беларускіх лякарнях знаходзяцца 24 чалавекі. У аднаго з іх стан сярэдняй цяжкасці, у астатніх — лёгкі.
Прадстаўнікі Міздароўя падкрэслілі, што ўсе беларускія захварэлыя — ад сямі завозных выпадкаў. Ад гэтых сямі чалавек заразіліся ўсе астатнія.
Завозныя ачагі выяўленыя ў Гродне і Гомелі — па адным, Мінску і Віцебску — па 2. А таксама яшчэ адзін ачаг выяўлены ў Мінскай вобласці.
Па словах медыкаў, у нашай краіне ўсе выпадкі каранавіруса знаходзяцца пад кантролем. Па мерках СААЗ, мераў, прынятых у Беларусі, дастаткова для таго, каб не ўводзіць каранцін.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.