У аўтааварыі ў Гродзенскім раёне загінула жанчына. Здарэнне адбылося раніцай у сераду на 20-м кіламетры аўтадарогі Гродна — Азёры. Як інфармуе прэс-служба ДАІ Гродзенскай вобласці, спачатку кіроўца мікрааўтобуса Ford не саўладаў з кіраваннем, выехаў з дарогі і перакуліўся. Аўтамабіль Rover, які ўхіліўся ад сутыкнення з мікрааўтобусам, сутыкнуўся з мікрааўтобусам Volkswagen, які таксама апынуўся на сустрэчнай паласе.
Пасля аўтааварыі Rover загарэўся, яго кіроўца паспеў выйсці з салона. Вадзіцель Volkswagen трапіў у бальніцу, а яго пасажырка ад атрыманых траўмаў памерла ў "хуткай". Праводзіцца расследаванне.