Туман у Мінску / ДАІ Мінска
Туман, які зранку назіраюць мінчукі і жыхары некаторых іншых раёнаў, накрые амаль усё Беларусь, папярэджваюць у Белгідрамеце.
"Сёння, 12 лютага (панядзелак), туман, які назіраецца месцамі па рэспубліцы і ў Мінску, у перыяд з 11 гадзін да 17 гадзін распаўсюдзіцца на большую частку тэрыторыі, захаваецца да канца дня 12 лютага (панядзелак), а таксама ноччу і раніцай 13 лютага (аўторак)", — гаворыцца ў паведамленні сіноптыкаў.
Бачнасць у тумане складае 100-500 метраў. Метэаролагі абвясцілі аранжавы ўзровень небяспекі.
Уначы 13 лютага будзе -1...+5. Удзень тэрмометры пакажуць ад 0 па поўначы да + 8 па поўдні Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут