Батарэя / pixabay.com
У мінскіх кватэрах 30 верасня уключылі ацяпленне.
Пра гэта паведамляюць мінчукі з розных раёнаў горада — Зялёнага Луга, Сухарава, Лебядзінага, Трактаразаводскага пасёлку, Фрунзенскага і Савецкага раёнаў.
Уключэнне ацяплення не залежыць ад канкрэтнага раёна. Можа быць так, што ў адным з суседніх дамоў батарэі пацяплеюць, а ў другім — пакуль застануцца ледзянымі.
Дарэчы, яшчэ зранку 30 верасня ў дамавых чатах і на пад'ездах з'явіліся абвесткі пра ўключэнне цяпла.
У садках, школах, медустановах сталіцы ацяпляльны сезон стартаваў ужо 24 верасня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут