Прэзідэнт ЗША Дональд Трамп / TVP info
Прэзідэнт ЗША Дональд Трамп заявіў, што бізнесмен Ілан Маск аднавіў доступ да спадарожнікавай сувязі Starlink ва Украіне. Абмежаванні ў рабоце сувязі ўскладнялі работу ЗСУ і ўплывалі на магчымасць Украіны выкарыстоўваць беспілотнікі.
Напярэдадні прэзідэнт Украіны Уладзімір Зяленскі заяўляў, што сувязь з ваеннай сеткай Starshield, работу якой забяспечвае распрацаваная Маскам сістэма Starlink, яшчэ не поўнасцю адноўлена.
Раней Маск адмаўляў сваю датычнасць да запавольвання тэмпаў сувязі, а адміністрацыя Трампа адмаўляла, што давала ўказанне кампаніі Маска абмежаваць доступ Украіны да Starlink.
Абмежаванні на падключэнне да спадарожнікавага інтэрнэту былі ўведзены на фоне спроб Трампа ціснуць на Зяленскага і прымусіць яго спыніць атакі на расійскія нафтаперапрацоўчыя заводы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут