Апошнія дні лета радуюць яркім сонейкам / Еўрарадыё
У нядзелю, 28 жніўня, у Беларусі будзе так жа спякотна, як і сёння. Чакаецца пераменная воблачнасць. Пераважна без ападкаў. Толькі месцамі па ўсходзе краіны пройдуць кароткачасовыя дажджы, днём магчымыя навальніцы. Такі прагноз дае Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Што да тэмпературы паветра, дык 28 жніўня яна на большай частцы тэрыторыі Беларусі паднімецца вышэй за 30 градусаў цяпла, а дзе-нідзе дасягне і 32 градусаў. Праз спёку на нядзелю абвешчаны аранжавы ўзровень небяспекі.
Мінімальная тэмпература паветра уночы — +13 градусаў па Цэльсіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут