Сям'я алігарха Алексіна прадала свае еўрапейскія бізнесы

Чытаць болей: Заработок в обмен на поддержку: как в ЕС объясняют санкции против бизнесменов

Іна Алексіна адмовілася ад долі ў абедзвюх кампаніях у чэрвені. А ў 20-х чыслах ліпеня прадаў (прынамсі, так гэта выглядае афіцыйна) свае долі і Дзмітрый Алексін.

Як вынікае са звестак Lursoft, цяпер Mamas D і Latgales Alus D цалкам належаць Грахоўскісу. Мяркуючы па рэестры, у Алексіных не засталося ні аднаго латвійскага і, адпаведна, еўрапейскага бізнесу.
 

"Падарунак" ад Чыжа

Mamas D і Latgales Alus D "дасталіся" Алексіну пасля таго, як у 2012 годзе пад санкцыі трапіў ягоны партнёр Юрый Чыж. Бізнесмены "падзялілі" свае актывы. Па сутнасці, пасля гэтага і пачалася "залатая пара" ў Алексіна, які з часам стаў адным з найбуйнейшых беларускіх бізнесменаў.

Чытаць болей: Приближённый к Лукашенко бизнесмен использовал хитрый трюк для ухода от санкций

Абедзве прададзеныя кампаніі — досыць паспяховыя і прыносілі сям'і Алексіных добрыя грошы. Яны ўваходзяць у спісы найбуйнейшых прадпрыемстваў Даўгаўпілса, другога па велічыні года ў Латвіі, а іх абароты ацэньваліся ў дзясяткі мільёнаў еўра.

У лютым 2021 года ў медыя цыркулявала інфармацыя, што менавіта Латвія "заблакавала" ўключэнне Алексіна-старэйшага ў санкцыйныя спісы. Гэтае прозвішча з'явілася ў блэклістах толькі ў чэрвені, калі быў уведзены "чацвёрты пакет" санкцый Еўрасаюза.