Вярхоўны суд перанес дату працэсу па ліквідацыі Беларускай асацыяцыі журналістаў, паведамляе прэс-служба арганізацыі.
Пазоў Міністэрства юстыцыі будзе разглядацца 27 жніўня (раней суд быў прызначаны на 11 жніўня). Перанос звязаны з тым, што БАЖ абскардзіла папярэджанне міністэрства, якое фармальна стала прычынай для магчымага закрыцця.
Працэс па абскарджанні папярэджання адбудзецца ў Вярхоўным судзе 23 жніўня. А праз некалькі дзён пасля таго суд разгледзіць пазоў аб ліквідацыі журналісцкай арганізацыі.
Офіс БАЖ па-ранейшаму застаецца зачыненм пасля ператрусу. Супрацоўнікі арганізацыі не маюць доступу да дакументаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут