Глебу Вайкулю, студэнту другога курса філалагічнага факультэта БДУ, далі папярэджанне за пропускі заняткаў. Яго выклікалі на камісію па пропусках на другі дзень пасля Маршу студэнтаў. Пра яго ўдзел у акцыі адміністрацыя факультэта не згадвала, казалі толькі пра пропускі. Пра гэта Глеб Вайкуль распавёў Еўрарадыё:
"Адміністрацыя пыталася па ўсіх пропусках. Гэта заўвага ў вуснай форме — папярэджанне. Паглядзім, што будзе на сесіі".
Глеб прызнаецца, што мае пропускі цягам семестра. Але гэтыя пропускі тлумачацца "сямейнымі абставінамі".
Як паведамляла Еўрарадыё, 2 снежня ў цэнтры Мінска прайшоў Марш студэнтаў, які сабраў некалькі дзясяткаў навучэнцаў ВНУ (агулам на акцыі было больш за 100 чалавек). Гэта быў пратэст супраць увядзення платных пераздач у БДУ. На маршы міліцыя перапісвала дадзеныя ў удзельнікаў, але нікога не затрымлівала.
Некалькі дзясяткаў студэнтаў БДУ "паклікалі рэктара на дыван"
Фота: Еўрарадыё