Сталі вядомыя вынікі лёсавання фіналу нацыянальнага адбору на “Еўрабачанне”. Яно прайшло 16 студзеня ў Белтэлерадыёкампаніі. Пад першым нумарам выступіць Аляксандр Геліх (Adagio), пад другім — украінец Alekseev, пад трэцім — Shuma. Далей выступяць наступныя ўдзельнікі: расіянка Соф’я Лапіна, Napoli, Анастасія Малашкевіч, Гюнэш, гурт “Радиоволна”, Alen Hit, Аляксандра Ткач (Lexy) і Кірыл Гуд.
Фінал адбору прызначаны на 16 лютага і будзе паказаны ў эфіры тэлеканала “Беларусь 1”. На ім абяруць прадстаўніка нашай краіны на міжнародным конкурсе песні ў Партугаліі.