Вікторыя Волчак, Валерый Водзін, Ганна Савачкіна, Таццяна Русак (маці Савачкінай) і Андрэй Грыгор'еў / t.me/viasna96/
Сталі вядомыя прысуды ўсім фігурантам справы "падрыхтоўкі тэракту ў Дзень Перамогі". Ім прызначылі пазбаўленне волі на тэрмін ад 7 гадоў да 7 гадоў і 6 месяцаў. Генпракуратура РБ не называе прозвішчы.
Напярэдадні стала вядома, што 25-гадоваму Валерыю Водзіну, які жыве ва Украіне, завочна прысудзілі 20 гадоў калоніі, а таксама штраф 24 тысячы рублёў. Разам з ім судзілі Андрэя Грыгор'ева, 30-гадовую Вікторыю Волчак, 25-гадовую Ганну Савачкіну і яе маці Таццяну Русак. Іх вінавацілі ў "здрадзе дзяржаве". Па версіі следства, яны аказалі дапамогу Водзіну. Яго ж прызналі вінаватым па шматлікіх артыкулах КК: "уваходжанне ў склад экстрэмісцкага фармавання", "удзел ва ўзброеным фармаванні", "падрыхтоўцы да здзяйснення актаў тэрарызму групай асоб" і г. д.
Дзяржпрапагандысты раней сцвярджалі, быццам Валерый Водзін па заданні ўкраінскай разведкі даслаў праз Італію выбухоўку ў настольных электраплітах. Яна нібыта прызначалася для арганізацыі тэрактаў. Паведамлялася, што маладыя людзі пра гэта не ведалі. Нельга выключаць, што ўся справа ад пачатку да канца была правакацыяй спецслужбаў РБ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут