Стала вядома, дзе ў Беларусі нельга будзе выкарыстоўваць авіямадэлі. Адпаведная пастанова Міністэрства абароны (№ 18 ад 22 жніўня 2016-га) апублікаваная на Нацыянальным прававым інтэрнэт-партале. Дакумент падпісаны міністрам абароны Андрэем Раўковым, ён узгоднены з Міністэрствам транспарту і камунікацый.
У пераліку згадваюцца 16 зон, у якіх нельга будзе выкарыстоўваць авіямадэлі. Іх радыус — ад 1 да 10 кіламетраў. Падрабязна пра гэта гл. тут.
Палёты авіямадэляў могуць здзяйсняцца на вышыні, не большай за 100 метраў ад узроўня паверхні зямлі ці вады (для бяспекі палётаў самалётаў). Тыя з іх, якія важаць больш за 0,5 кг, падлягаюць абавязковай маркіроўцы.