Чытаць болей: Міліцыя ўварвалася на секс-вечарынку пад Мінскам (відэа)
Міліцыя ўварвалася ў катэдж, у якім праходзіла закрытая сэкс-вечарынка, у ноч на 28 ліпеня 2018-га. У той момант там знаходзіліся 34 мужчыны і 18 жанчын ва ўзросце ад 20 да 45 гадоў. Было аб'яўлена пра ліквідацыю падпольнага бардэля, які дзейнічаў з 2016 года. Адзначалася, што акрамя выпадковых удзельнікаў, у катэдж трапілі прастытуткі. Кошт уваходу для мужчыны складаў 200-350 рублёў.
Абвінавачанне выстаўленае 39-гадоваму жыхару Мінска. Раней ён быў асуджаны на 16 гадоў зняволення, але вызваліўся датэрмінова. Пачаў дзейнасць ІП у сферы арганізацыі культурна-масавых мерапрыемстваў. Праваахоўнікі сцвярджаюць, што ён пад выглядам вечарынак арганізоўваў прытоны (здымаў элітныя жылыя дамы), "ствараў умовы для занятку прастытуцыяй", шукаў кліентаў, у тым ліку і праз сацсеткі.
Таксама стала вядома пра датычнасць мужчыны да згвалтавання 21-гадовай дзяўчыны ў 2015 годзе. Летась ахвярай яго "гвалтоўных дзеянняў сэксуальнага характару" стала 18-гадовая жыхарка Брэсцкай вобласці. Праводзілася стацыянарная комплексная судовая псіхолага-псіхіятрычная экспертыза, якая засведчыла, што абвінавачаны ўсведамляў свае дзеянні і мог імі кіраваць.