З Мікалая і Яна Міхальковых, якія праходзілі па "справе патрыётаў", знялі абвінавачанні. Пра гэта ў каментары Радыё "Свабода" паведаміў адзін з супрацоўнікаў бабруйскага клуба "Патрыёт", які ўзначальвае старэйшы Міхалькоў. Па словах супрацоўніка, кіраўнік клуба сам распавёў пра знятыя абвінавачанні.
Бацьку і сына Міхальковых вінавацілі ў падрыхтоўцы масавых беспарадкаў. Іх затрымалі 23-24 сакавіка. Малодшага, Яна, выпусцілі з-пад варты 29 красавіка, а бацьку — 18 траўня.
Паводле інфармацыі "Свабоды", Мікалай Міхалькоў цяпер зноў працуе ў клубе "Спадарожнік" пры бабруйскім Цэнтры творчасці дзяцей і моладзі. Часткай "Спадарожніка" з'яўляўся і вайскова-спартовы клуб "Патрыёт".
Тым часам прадстаўніца сем’яў фігурантаў "справы патрыётаў" Ніна Шыдлоўская заклікае не спяшацца давяраць інфармацыі пра знятыя абвінавачанні. Па яе словах, адвакат высвятляе гэтыя звесткі.