Упраўленне Следчага камітэта па Мінску расследуе крымінальную справу па факце забойства дзяўчыны, цела якой знайшлі на вуліцы Васняцова ў сталіцы.
Следства выявіла, што сведкам забойства стаў таксовец. Каля 22-й гадзіны ён праязджаюў міма і пабачыў, як па вуліцы ідзе мужчына і цягне дзяўчыну. Калі таксовец спыніўся, мужчына ўцёк, пакінуўшы цела на зямлі. Дзяўчына не падавала прыкметаў жыцця, пра што таксовец паведаміў у міліцыю і хуткую дапамогу.
Следча-аператыўная група, якая прыбыла на месца здарэння, выявіла, што смерць дзяўчыны мае крымінальны характар.
Яе асоба ўжо вядомая — гэта 21-гадовая ўраджэнка Гомельскай вобласці, якая працавала ў Мінску.
Падазронага па справе выявілі на працягу некалькіх гадзінаў. Гэта 21-гадовы непрацуючы ўраджэнец Ашмянскага раёна. Яго затрымалі, правялі допыт. Следчыя высвятляюць матывы злачынства і магчымую датычнасць іншых асобаў.
З месца здарэння эксперты ўзялі сляды рук, абутку, асабістыя рэчы, біялагічныя сляды, ноўтбук. Таксама дапытваюцца відавочцы, сваякі і знаёмыя загінулай.
Следчыя пачалі крымінальную справу за забойства.