Сілавікі / Еўрарадыё
Сілавікі сталі ладзіць рэйды па сваяках палітуцекачоў, паведамляе праваабарончы цэнтр "Вясна".
Яны просяць, каб людзі ўгаворвалі палітуцекачоў вярнуцца ў Беларусь праз "камісію па вяртанні". (Днямі Лукашэнка падоўжыў яе дзейнасць да канца 2024 года.) Праваабаронцам вядома прынамсі пра тры выпадкі, калі да людзей прыходзілі з такімі прапановамі.
Між тым, вяртанне ў Беларусь нават праз камісію не дае вялікіх гарантый. Як мінімум тры чалавекі трапілі пад крымінальныя справы пасля вяртання з-за мяжы па "дамоўленасці".
Раней сілавікі праводзілі рэйд па сваяках палітвязняў. Пры ім пад пераслед за два дні трапілі больш за 200 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут