Аб затрыманні генеральнага дырэктара кампаніі “Сервалюкс” Яўгена Баскіна стала вядома ў аўторак раніцай. Пакуль ні ў самой кампаніі, ні ў КДБ не каментуюць гэтую інфармацыю. Як стала вядома Еўрарадыё, затрымлівалі Баскіна мінскія спецслужбы.
Кампанія “Сервалюкс”, якой кіруе Яўген Баскін, — самы буйны ў краіне вытворца мяса птушкі. Баскін уваходзіць у шасцёрку самых паспяховых бізнесменаў краіны па версіі выдання “Ежедневник”.
Раніцай аўторка ля галоўнага офіса "Сервалюкса" ў Магілёве было спакойна. У прыёмнай сітуацыю не каментуюць.