Чарнобыльскі шлях 2018. Фота: Еўрарадыё.
26 красавіка ў Мінску прайшоў Чарнобыльскі шлях ― традыцыйная акцыя эколагаў і апазіцыі. Са дня, калі здарыўся выбух на 4-м энергаблоку Чарнобыльскай АЭС, прайшло 32 гады. Увесь гэты час "шлях" змяняўся. З чыста чарнобыльскай (у канцы 1980-х) і пераважна палітычнай (з сярэдзіны 1990-х да сярэдзіны 2010-х) ён ператвараецца ў акцыю пра ўсе экалагічныя праблемы, якія ёсць у Беларусі: ад новай АЭС да шкодных вытворчасцяў, якія будуюцца на нашай зямлі на кітайскія крэдыты.