Чытаць болей: Лукашэнка даў чарговы прагноз пра вынікі прэзідэнцкіх выбараў ва Украіне
"Я ўсё ж такі схільны думаць, што гэтыя прэзідэнцкія выбары выйграе Парашэнка", — цытуе Аляксандра Лукашэнку БЕЛТА. Па словах беларускага кіраўніка, ён не ведае Уладзіміра Зяленскага, які выйграў першы тур прэзідэнцкіх выбараў, бачыў яго толькі ў кіно. Лукашэнка прапанаваў украінцам не галасаваць у другім туры, калі яны не ўпэўненыя ў абодвух кандыдатах. Лепш, маўляў, хай пройдуць паўторныя прэзідэнцкія выбары.
Радыё Свабода звярнулася па каментар у штаб кандыдата ў прэзідэнты Зяленскага. Паліттэхнолаг Дзмітрый Разумкоў адказаў коратка: "Ну ў вас жа [у Беларусі] свабода слова. Кожны мае права казаць, што лічыць неабходным".
Палітолаг Аляксандр Палій са штабу Парашэнкі выказаўся наступным чынам: "Ён сказаў, як ёсць, і як сябар. Магчыма, ягоная заява паўплывае на выбар усходніх украінцаў у другім туры галасавання".
Другі тур прэзідэнцкіх выбараў ва Украіне прызначаны на 21 красавіка.