Увечары 23 верасня ратавальнікі атрымалі паведамленне, што ў Старобіне Салігорскага раёна з каналізацыйнага калодзежа не могуць выбрацца два мужчыны.
Як паведамляе сайт МНС, гаспадар дома, размешчанага побач, пакрываў калодзежныя колцы бітумнай масцікай. Мужчына надыхаўся яе парай і страціў прытомнасць. Яго знаёмы спусціўся ўніз па лесвіцы, каб выцягнуць небараку, але таксама адчуў нямогласць і не здолеў выбрацца. Глыбіня калодзежа складае 5 м.
Ратавальнікі дасталі абодвух мужчын з дапамогай вяроўкі. Ад шпіталізацыі яны адмовіліся.
Фота: mchs.gov.by