Гурт Re1ikt апублікаваў дзве песні з будучага альбома "Лекавыя травы". Адна з іх, "Балотныя агні", напісаная паводле твора Якуба Коласа, у якім стары кпіў з маладой бярозкі. Яе сэнс, кажуць музыкі, у тым, што не трэба адмаўляцца ад сваіх мараў, нават калі ніхто іх не разумее.
Другі твор, "Хадзіла галота", Re1ikt зрабілі паводле беларускай народнай песні з Лельчыц. У песні выкарыстаная бляшаная брытанская дудачка цін уістл.