Рассельгаснагляд увёў часовыя абмежаванні на пастаўкі прадукцыі двух беларускіх прадпрыемстваў — ААТ "Лунінецкі малочны завод" і ААТ "Глыбоцкі малочна-кансервавы камбінат" Браслаўскі філіял. Як паведамляецца на сайце расійскага ведамства, гэіа звязана з парушэннямі ветэрынарна-санітарных патрабаванняў ЕАЭС. Забарона пачынае дзейнічаць з 22 чэрвеня 2017 года.
Разам з тым Рассельгаснагляд зняў санкцыі з чатырох прадпрыемстваў Міншчыны, якія пастаўляюць ялавічыну і ялавічныя субпрадукты. Гэта ААТ "Стаўбцоўскі мясакансервавы камбінат", ААТ "Мінскі мясакамбінат", ААТ "Слуцкі мясакамбінат", ЗАТ "Агракамбінат Нясвіжскі".
Расійскі бок спасылаецца на гарантыі Дэпартамента ветэрынарнага і харчовага нагляду Мінсельгасхарчу Беларусі ды інфармацыю па ўкараненні электроннай ветэрынарнай сертыфікацыі прадукцыі з выкарыстаннем ФГІС "Меркурый".
Акрамя таго, за выяўленыя парушэнні Рассельгаснагляд уводзіць узмоцнены лабараторны кантроль за прадукцыяй наступных прадпрыемстваў:
— ААТ "Агракамбінат "Скідзельскі філіял "Скідзельская птушкафабрыка";
— ААТ "Александрыйскае";
— ААТ "Маладзечанскі малочны камбінат" Валожынскі філіял;
— ААТ "Маладзечанскі малочны камбінат" Вілейскі філіял;
— ААТ "Ашмянскі мясакамбінат".