Фальшывыя долары / customs.gov.by
Расіянін прывёз з Турцыі ў Беларусь дзясяткі тысяч фальшывых долараў. Іх ён збіраўся патраціць на набыццё аўтамабіля, паведамляе прэс-служба Дзяржаўнага мытнага камітэта Беларусі.
Грамадзянін РФ прыляціў у Мінск авіярэйсам са Стамбула. Грошы ён не дэклараваў. Падчас агляду сумкі, якая была ў замежніка з сабой, мытнікі знайшлі наяўныя грошы — 34700 долараў, 5200 расійскіх рублёў і 6 турэцкіх лір.
Долары трапілі на экспертызу, якая засведчыла, што амаль 700 банкнот наміналам 50 долараў з'яўляюцца падробкай. Пасля гэтага справай замежніка заняўся Следчы камітэт.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут