Расіяне выявілі новую схему ўвозу яблык з Беларусі: іх хавалі пад бульбай

Чытаць болей: Лукашэнка — пра Расію: самі знаходзяцца пад санкцыямі і імі ж з намі ваююць

На гэты крок эмацыйна адрэагаваў Аляксандр Лукашэнка: "Самі знаходзяцца пад санкцыямі і імі ж з намі ваююць... Тое дабро, якое мы робім для Расійскай Федэрацыі, яно нам абарочваецца пастаянным злом. Там ужо знахабіліся да такой ступені, што пачынаюць нам выкручваць рукі”. Масква не пагадзілася, што ў дачыненні Беларусі ўводзяцца санкцыі і "выкручваюцца рукі". Адначасова Рассельгаснагляд папрасіў ФСБ і Мінтранс Расіі спыніць “шэры” транзіт з Беларусі.

22 красавіка расійскае ведамства распавяло пра пастаўкі яблык пад прыкрыццём... бульбы. Днямі супрацоўнікі Рассельгаснагляду ў Пскоўскай вобласці правяралі грузавік з Беларусі. Разам з 5 тонамі бульбы з Карэліцкага раёна, там аказаліся 4 тоны яблык, на якія не было фітасанітарных сертыфікатаў. Яблыкі былі заваленыя мяхамі з бульбай (дакументы на яе былі ў парадку). Нелегальны груз знішчылі.

Рассельгаснагляд заяўляе, што "гэты факт у чарговы раз сведчыць пра адсутнасць належнага кантролю з боку фітасанітарнай службы Рэспублікі Беларусь за сертыфікацыяй прадукцыі беларускіх вытворцаў". Пачакаем, які адказ будзе дадзены беларускім бокам.