Наступствы абстрэлу шпіталя ў Селідаве
Расіяне ў ноч на сераду атакавалі горад Селідава ў Данецкай вобласці, піша Hromadske са спасылкай на мясцовыя ўлады.
Першы ўдар па горадзе нанеслі яшчэ напярэдадні позна ўвечары. Расіяне трапілі ў пяціпавярховік, у адным з пад'ездаў былі разбураныя 12 кватэр. Пацярпелі двое дзяцей (2016 і 2007 гадоў нараджэння). Ратавальная аперацыя працягваецца — пад заваламі яшчэ могуць быць людзі.
Яшчэ адзін удар па Селідаве расіяне нанеслі прыкладна ў гадзіну ночы. У выніку гэтай атакі быў пашкоджаны корпус шпіталя. Пачаўся пажар. Пацыентаў Селідаўскага шпіталя — іх было каля ста — перавезлі ў шпіталі суседніх гарадоў.
Усяго ў выніку начнога абстрэлу горада, паводле інфармацыі мясцовых уладаў, загінулі 3 чалавекі, у тым ліку дзіця. Яшчэ 12 чалавек, у тым ліку 4 дзіцяці, атрымалі раненні. Пашкоджаныя 9 шматкватэрных жылых дамоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут